Ruxe-Ruxe - Némesis

01. De Orixes e Fins 

02. Terceira Guerra
03. Irmán Mata Irmán
04. Estado Miseria
05. Tempos Malos

06. Partido Criminal
07. Vótame Mamón
08. Bla Bla Bla
09. Santa Destrucción

10. Pregaria
11. A hora do Predicador
12. En Venda
13. Que máis ten
14. Perigo
15. Destrúe 

16. Que Crise
17. Contra Todo
18. Porcos e Años
19. Habemus Porco
20. Sangue sobre Cemento
21. Que foi da túa vida
22. Ramnusia 

WARNING!!! 

Némesis son 22 berros afogados e tristes nunha noite chuviosa, escura e bretemosa. 22 refachos de odio e xustiza, de deusa doente e anoxada. Son 22 contos tan reais, absurdos e cotiáns que parecen mentiras. Némesis son 22 películas de medo, tráxicas, cómicas, terribles e de mal e incerto final. Némesis somos ti máis eu ao abeiro dun tellado que cae a pedazos mentres fora soan desesperadas e atronadoras as sirenas. 

Tas... Xa non ten sentido avisar... 

NÉMESIS é un disco conceptual a modo de ópera rock. É a viaxe en tres actos dunha persoaxe de a pé que un día se levanta pola mañán e decátase de que a terceira guerra xa comezou. Non hai tanques nas rúas nin mísiles atravesando o ceo pero o mundo caese a pedazos enriba da súa cabeza coa excusa dunha crise económica que deixa man libre e argumentos ficticios para que os poderosos sometan ós débiles. Observa ese mundo cheo de odios, estados miseria, delincuencia, políticas escuras e sometedoras. Observa a irmáns que matan irmáns. Ve crimen e destrucción. Despois reflexiona sobre o seu sitio no mundo e énchese de dor e dunha amarga decepción que remata en odio. Comeza a súa revolta, a súa loita persoal contra todo e acaba enguedellado nunha sanguenta batalla que acaba arroxandoo a el e ás súas pantasmas dende a azotea máis alta para deixalo reducido a unha simple mancha de sangue sobre cemento e sen saber nin tan sequera que foi da súa vida. 

O espíritu da deusa NÉMESIS e da súa xustiza retributiva alimenta unha historia de ficción na que todo parece tan real que semella estar a falar do mundo no que vivimos.

credits

released 12 April 2014 

Miguel Duarte (Guitarras eléctricas, acústicas, banjo e coros) 

Carlos Freire (Baixo) 

Xaco Barona (Gaita) 

Álex Sevilla (batería) 

Xan (saxo,coros e cachivaches varios) 

Vituco Neira (guitarra e voz) 

Pandereteiras Bouba (Percusión tradicional, pandeiretas, voces e aturuxos) 

Bocixa Zënzar (Voz en A hora do Predicador) 

Esteban Skacha (Voz en Perigo) 

Isidro Cea (Locucións) 

Todos os temas feitos, arranxados e aquelados por Ruxe-Ruxe 

Producidos, gravados e mesturados por Iago Pico en Pousada Son 

A producción executiva do discos e o management de Ruxe-Ruxe é de Nicolás Devesa 

O deseño gráfico é de Arinspunk

pégalle unha escoita en www.ruxeruxe.com